Esta unidade didáctica está centrada no desenvolvemento sustentábel e no consumo responsábel pola relevancia social e ambiental das consecuencias do modelo de consumo estabelecido ao nivel global, en concreto no relativo a produtos alimentarios. É necesario estabelecer mecanismos de reflexión sobre este modelo co alumnado: Que comemos? De onde proveñen os alimentos? Cal é o custo enerxético e a pegada ecolóxica que se xeran ao consumir os produtos? Como se xestiona o excedente de produción que resulta en desperdicio alimentario? De que maneira podemos actuar para minimizar os riscos ambientais e sociais?. A través do desenvolvemento do pensamento crítico, preténdese que o alumnado analice as causas e consecuencias dun consumo...