Este monográfico ten como obxectivo recoñecer a saúde como un dereito universal e os servizos sanitarios como un ben público global. Igualmente, establece a relación entre saúde e pobreza. A primeira actividade recoñece que detrás das doenzas hai persoas doentes. A continuación, proponse a análise duns gráficos e un mapa que mostran o acceso desigual á saúde e reflexionan sobre o concepto de doenzas esquecidas. A través dun xogo de rol, os alumnos e alumnas, divididos en grupos e convertidos en propietarios dunha empresa farmacéutica, deberán escoller entre unha serie de alternativas. O obxectivo é introducir o factor ético na produción e distribución de medicamentos. Por último, ábrese a reflexión sobre o uso...

Este material pretende profundar no tema da pobreza a partir dunha situación concreta e próxima do alumnado: a historia de Marta, na que seu pai perde o emprego e que está contextualizada no noso país e na nosa realidade. O desemprego é un fenómeno que afecta unha cantidade importante de persoas. A familia de Marta ten cubertas as súas necesidades básicas, mais a noticia inesperada do despedimento do pai provoca un desequilibrio e unha preocupación debida é repentina falta de oportunidades no campo laboral. Desta forma, apréndese a coñecer, entender e avaliar que hai necesidades básicas para poder crecer e vivir con dignidade e profúndase nos sentimentos e nas actitudes...