Unitate didaktiko hau garapen jasangarrian eta kontsumo arduratsuan oinarritzen da, maila globalean ezarritako kontsumo-ereduaren ondorioek gizartean eta ingurumenean duten garrantziagatik eta elikagaiengatik, bereziki. Beharrezkoa da ikasleekin eredu horri buruz hausnartzeko mekanismoak ezartzea: zer jaten dugu? Nondik datoz elikagaiak? Produktuok kontsumitzean zenbaterainoko kostu energetikoa eta aztarna ekologikoa sortzen dira? Nola kudeatzen da elikagaiak alferrik galtzea dakarren ekoizpen-soberakina? Nola jardun dezakegu ingurumen- eta gizarte-arriskuak ahalik eta gutxienera ekartzeko?. Pentsamendu kritikoaren garapenaren bidez, ikasleek kontsumo arduratsuaren kausak eta ondorioak azter ditzaten lortu nahi da, eta gogoeta horren ondorioz, etxeko eta etxetik kanpoko eguneroko kontsumo-praktikak eta -ohiturak aldatzea, bai eta justizia soziala bultzatzen ari delako kontzientzia ere.