O III Seminario para unha cidadanía global (ECG) reuniu en Los Negrales (Madrid) uns 60 educadores e educadoras que, ao longo de tres días – do 2 ao 4 de xullo de 2009 –, debateron sobre identidade, prioridades e estratexias, aprenderon a partir das propias prácticas, intercambiaron dúbidas, se cuestionaron e formularon novos interrogantes e, sobre todo, consolidaron os vínculos persoais e socioafectivos da Rede de educadores e educadoras para unha cidadanía global. Esta memoria recolle os resultados do traballo feito durante o Seminario en espazos como os obradoiros de experiencias Aprender da práctica e Tecendo a rede I e II: identidade accións e estratexias, así como as contribucións das...

Este documento recolle a proposta feita por Intermón Oxfam sobre os contidos como compoñentes da disciplina de Educación para a Cidadanía durante o proceso do seu deseño. Estas contribucións basánse na convicción de que a revisión do currículo e a súa impregnación desde a perspectiva da cidadanía global son imprescindíbeis para asegurar que o espazo-tempo dedicado á disciplina teña resultados efectivos no cadro educativo.

Neste documento, exponse a importancia de Proxecto Educativo de Centro (PEC) para entender a educación escolar como inserida na rede social educativa e comunitaria, interactuando con ela. A educación para o desenvolvemento dunha cidadanía activa, capacitada para a vida en común, comprometida nos valores democráticos, que defende a universalidade dos dereitos humanos mediante unha ética da responsabilidade, non pode ficar reducida ao estrito horario dunha disciplina. Precísase que, tanto o currículo escolar como a organización do centro, deveñan unha comunidade de comunicación e participación, que integre estudantes, profesorado, familias, comunidade e administración local, administración educativa, ONGs, e todas aquelas axencias e asociacións que teñen historias que compartir.