Educación para a Cooperación ao Desenvolvemento

Esta experiencia consiste en orientar a disciplina Educación para a Cidadanía a un maior coñecemento da realidade, especialmente das condicións de vida das poboacións do Sur e as súas causas. Analízase tamén o papel da Cooperación ao Desenvolvemento como instrumento de loita contra a desigualdade Norte-Sur e a pobreza e compleméntase a teoría coa identificación de accións que o alumnado pode emprender desde a súa realidade para contribuír para un mundo máis xusto.

A práctica desenvolveuse no horario lectivo, intercalando sesións teóricas e prácticas. Nas sesións prácticas traballábase en colaboración co voluntariado das ONG, que realizaban obradoiros en que se traballaba de modo cooperativo en grupos de 4-5 persoas. As actividades, levadas a cabo no IES Politècnic de Castelló de la Plana, foron moi diversas: análise de prensa e elaboración de murais, xogos cooperativos sobre o comercio xusto e a desigualdade norte-sur, visualización de vídeos e comentario, xogos de rol-playing, confección de narracións ou contos co lema dos dereitos humanos…