Makina gabeko eguna – Un día sen máquinas

Esta experiencia realizada en Laudio Ikastola relata cómo un grupo de 4.º da ESO ideou unha campaña na que se propuxo aos alumnos e alumnas de 1.º e 2.º da ESO pasaren un día sen máquinas prescindíbeis. Tratábase dunha campaña de sensibilización sobre o aforro enerxético. Un total de 54 alumnos e alumnas participaron no proxecto organizados en grupos de catro. O alumnado de 4.º ideou o deseño da campaña e promoveuna entre os seus compañeiros e compañeiras de 1.º e 2.º. O día en cuestión, o alumnado que participaba na campaña tivo que buscar alternativas ás máquinas que non utilizaron, como por exemplo ler en lugar de ver a televisión. Cada alumno e alumna recolleu nun escrito, deseño, etc., as súas vivencias dese día, o seu concepto de “prescindibilidade”, etc., e foi elaborado un mural que foi exposto no centro, na web e no encontro da actividade Conectando Mundos de Bilbao.