FILMA: 20.000 ESPECIES DE ABEJAS
Jatorrizko izenburua: 20.000 especies de abejas (2023)
Zuzendaritza eta gidoia: Estibaliz Urresola Solaguren
Argazkiak: Gina Ferrer
Ekoizpena: Gariza Films, Inicia Films, ETB, ICAA, Movistar Plus+, RTVE
Filmeak hainbat sari jaso ditu aurten (2023):
– Berlinalen: Zilarrezko Hartza – Aktore protagonistarik onena (Sofía Otero)
– Malagako jaialdian: Film onenaren Urrezko Biznaga eta antzeztaldeko emakumezko interpretazio onenaren Zilarrezko Biznaga (Patricia Arnaiz)
Transexualitateari buruzko drama honek aipatutako sariak lortuz gain, kritika ugari jaso ditu. Kritiken artean, Deadline-neko Stephanie Bunbury kazetariarenak modu poetikoan laburbiltzen du pelikularen trama: “Polen bila lore bat jotzen ari den erle baten fintasunarekin, Estibaliz Urresola Solaguren euskal zuzendariak bidea irekitzen du familia baten tentsio eta dilemetan barrena, non kide gazteena, 8 urteko mutikoa, Aitor izenekoa, neskato gisa nortasun berri baterako bidea irekitzen den”. Konplexutasunez beteriko gatazka da, eta urrun geratzen da horrelako gatazkak azken aldian tratatzen ari diren agresibitate sozial eta politikotik.
IRAKURTZEAK URRUNAGO ERAMATEN ZAITU
La utilidad de lo inutil
Nuccio Ordine
Editorial Acantilado
Nuccio Ordine 1958ko uztailaren 18an jaio zen Calabresko Diamante herrian (Italia). Calabriako Unibertsitateko Giza Ikasketen Departamentuko italiar literaturako irakaslea izan zen, eta irakasle gonbidatua AEBetako eta Europako hainbat unibertsitatetan. Filosofo, idazle eta Literatur Teorian aditua Errenazimentuko pentsamendua eta literatura gehien ezagutzen dituenetako bat da mundu osoan. 2023ko ekainaren 10ean, larunbatean, hil zen.
La Utilidad de lo inutil humanitateen eta hezkuntzaren aldeko manifestua da, pedagogia komertzialen eta diruaren pisuaren aurrean balio sozial bakar gisa. Bertan, “filosofo eta idazleen iritziak errepasatzen dira, jakiteko eta ikertzeko grina hori eskoletan eta unibertsitateetan zaintzeak duen garrantziari buruz, helburu praktiko zuzenik gabe, tradizioz horretan oinarritu izan baita dignitas hominis” (Fernando Savater).
Nuccio Ordine eskolaren eta unibertsitatearen defendatzailea izan da, merkantilismoaren noraezaren aurrean eta makinak gazteak hezteko asmoaren aurrean. Nuccio Ordinek Asturiasko Printzesa saria eskaini zien beren bizitza ikasleen bizitza isilean irakatsi eta aldatzen duten pertsonei, askotan gizarteak zaharkitzat jotzen dituenei.
Beste lan batzuk: Clásicos para la vida, Los hombres no son islas, Tres coronas para un Rey…, guztiak Acantilado argitaletxean.