Koaderno honetan Mozambikeko Sofía haurrak bere herrialdeak bizi duen egoera latza eta, bereziki, armen erabilerak —pertsonen aurkako minenak, zehazkiago— populazio zibilarentzat dituen ondorioak aurkeztuko dizkigu. Sofiaren biografiak eta argazkiek bere ametsetara eta bere errealitatera hurreratuko gaituzte eta, horri esker, herrialde hartako egoera ezagutu ahal izango dugu. Material honen bidez bakea eta justizia soziala munduko gizaki guztiei zor zaizkien funtsezko eskubide gisa balioestea lortu nahi da. Rol-joko baten eta itxurako adibide batzuen bitartez, liskarrei heltzeko era eta jarrera desberdinak ezagutuko ditu haurrak. Era berean, gatazka eta liskarrei buruz prentsan idazten duten kazetariak agertuko dira jokoan. Kontua da, gizaki zein nazioarte mailan, liskarrak eraldatzeko eta konpontzeko mekanismoak ezartzea. Atal hau, liskarrei irudimenez...

Koaderno honetan Roberto Angolako haurrak bere herrialdeko errealitate latzean eta gerrak eragin eta oraino ere bizirik dirauten ondorioetan sartuko du ikaslea. Proposamen honen helburua, ikasleek arma merkataritzak —pertsonen kontrako minek, zehazki— sortarazten dituen ondorioak eta mundu zabalean milioika lagunek nozitzen dituzten ondoreak ezagutzea da. Balkanetako gerran inplikaturiko haurren marrazkien azterketan abiagune harturik, gerrak guregan pizten dituen sentimendu eta sentsazioak jorratuko dira. Material honi esker lortu nahi da gizaki guztiei zor zaizkien funtsezko eskubide gisa bakea eta justizia soziala balioestea eta, gizaki zein nazioarte mailan, liskarrak eraldatzeko eta konpontzeko mekanismoak ezartzea: liskarrei irudimenez asmaturiko konponbideak garatzeko premia erakusten duten bi ahuntzen adibidearen bitartez irakasten da hori. Sintesi modura, eskolako gainontzekoei eta...

Rosalinaren historia abiapuntu harturik, liskar egoera baten atzean zer dagoen haurrek uler dezaten eta beraiengan arrotz egin dakizkiekeen bizipenak ezagutzeko interesa piztea nahi da. Liskar armatu baten erruz, etxetik arrapaladan ihes egin behar izan duen Rosalina haurraren bizipenak eta sentimenduak kontatzen dira koaderno honetan. Narrazioaren amaieran, horrelako liskarrik behin ere ez errepikatzeko itxaropen eta desira agertzen dira. Bi ataza aurkezten ditu koadernoak, paraleloki: batetik, protagonistaren historia erakusten zaigu eta, bestetik, kontakizun horretan agertzen diren kontzeptu eta gaietan sakontzeko aukera ematen diguten jarduerak eskaintzen zaizkigu. Jarduerak haurraren eskarmentuan oinarritu dira, protagonistaren bizipen, ezagutza, pertzepzio eta gainerakoak behin eta berriz adieraziz. Rosalinaren historia gida didaktikoak zehatz-mehatz kontatzen du eta, era berean, koadernoan...