Vídeo 30 de decembro

Descrición:
A partir da visualización dunha historia, o obxectivo deste material é que o alumnado tome un primeiro contacto coa problemática da pobreza e mergulle nela a través dalgunhas das súas principais temáticas. Por iso, introdécese o concepto de necesidades básicas, as causas da pobreza e todas as súas dimensións, a capacidade de empatía para afrontar formas de superar os obstáculos, a corresponsabilidade, o pensamento crítico e as accións para a mudanza, etc. Tamén se pretenden identificar diferentes tipos de pobreza e reflexionar acerca das súas consecuencias na vida das persoas. O vídeo permite relacionar a pobreza coa falta de acceso aos servizos de saúde e reflexionar acerca do papel da educación na erradicación da pobreza. Suxérese que, despois da visualización do DVD, os alumnos e alumnas expresen cómo se sentiron e respondan, a xeito de diálogo, algunhas preguntas. Igualmente, recoméndase o uso dunha metodoloxía activa que sitúe o alumnado como o principal protagonista do debate.