Mediante a simulación dunha incidencia ocorrida nun Instituto, son analizados os diferentes aspectos presentes nun conflito, apuntando e diferenciando os aspectos referidos a: persoas, proceso e problema. O obxectivo básico é aprender a buscar o problema oculto que xera un conflito e fomentar a creatividade e a imaxinación no momento de procurar solucións. Escolleranse cinco persoas para representar os personaxes implicados no incidente e o resto do grupo fará parte da comisión de disciplina. Despois, darase paso é imulación e buscaranse solucións ao conflito xerado. Finalmente, será avaliado colectivamente o desenvolvemento da actividade. Recoméndase realizala nunha sesión de déas horas.

O obxectivo básico desta actividade é apuntar as diferenzas entre conflito e violencia, e destacar a perspectiva positiva do conflito, así como algunhas das ferramentas que temos para a súa resolución. Proponse como actividade ler, unir e comentar frases que se corresponden con diferentes conceptos sobre conflitos e violencia. Esta metodoloxía fomenta o debate e tenta facer xurdir opinións diversas, todo iso coa finalidade de valorizar positivamente a confrontación de ideas. A duración prevista é dunha hora.

A través do texto sobre a Comunidade de Paz de San José de Apartado, en Colombia, dáse a coñecer unha iniciativa de construción de paz. Este exemplo mostra unha alternativa non violenta ao sistema de vida que invade un país inmerso nun conflito de longa duración. Para contextualizar esta iniciativa, xúntase un documento sobre a situación en Colombia, que axudaría valorizar a importancia e a dificultade desta iniciativa. A partir do que explica o texto e das preguntas formuladas na primeira parte do cuestionario, traballaranse conceptos como resistencia civil non violenta, neutralidade e dignidade. Na segunda parte do cuestionario, proponse dar un salto á nosa propia realidade e á nosas actitudes en...

A partir do comentario dunhas viñetas de xornal, proponse reflexionar sobre a lei do máis forte e o abuso da forza entre iguais. Ten como obxectivo analizar o uso da forza nas relacións interpersoais entre iguais e facer unha crítica ao concepto da lei do máis forte. Esta actividade proponse como conclusión de “A Guerra preventiva” que encontrarás tamén en Kaidara. Está prevista para poder ser realizada nunha hora de duración.

A partir da guerra do Iraq, esta actividade pretende reflexionar sobre a doutrina de seguridade dos EUA e reflexionar de xeito crítico sobre o concepto de “guerra preventiva”. Para iso, proponse a lectura e comentario de unhas viñetas de xornal. Recoméndase realizar unha actividade previa titulada Escolle qué país invadirías, incluída neste material, e ler o texto a doutrina da guerra preventiva. Por ultimo, a observación e comentario das viñetas de Enrique Ventura e Toni Coromina deben levar á reflexión sobre as razóns non declaradas que levaron á guerra do Iraq. Proponse como conclusión da actividade, a realización da actividade “A lei do máis forte”, que encontrarás tamén en Kaidara.