Proposamen honen helburua genero-parekidetasuna jorratzea da, norberaren izaera sano osatzetik abiatuta, estereotipoak hautsita eta aniztasuna onartuta. Hainbat jarduera eta metodologiaz baliatuz, bai gertuko ingurunean, bai testuinguru globalagoetan, generoa dela bide, jazotzen diren desberdinketak atzeman eta aintzat jotzea nahi dugu; era berean, berdintasunetik abiatuta, bizimodua egin eta partekatzeko desberdintasuna eta aberastasunaren garrantzia azpimarratzeko balio duten jarrera eta jarduerak sustatzea. Etapa honetako proposamenak berdintasunezko gizarterako bideari begiratzen dio. Estereotipoak ezagutarazteko, bideoak ikusi eta, ondoren, eztabaida egingo da, rol-jokoetan esku hartu eta publizitatea aztertuko dugu. Garen bezala geure burua eta ingurukoak baloratzeari berebiziko garrantzia emango zaio, aniztasunaren balioa aitortuta eta, genero-kontuak direla medio, eraso edo bortizkeriazko egoerak eragin ditzaketen jokaerak arbuiatuz. Amaieran, genero-arazoen ondoriozko desberdintasunaren...