Kopenhage, azken deialdia

Baliabideen bilatzailea

Kopenhage, azken deialdia

Autorea: Israel García, Mª Àngels Alié, Marga Florensa, Raquel León, Lucas Pérez
Data: 2009
Gaiak: 
Baliabide-mota: Irakaskuntza materiala
Hartzaileak: 12 eta 14 urte, 14 eta 16 urte, 16 urte baino gehiagokoak
Hizkuntza: Euskara, Galego, Gaztelako, Katalanez
Azalpena:
Kopenhageko Gailurrak izaniko garrantziaz eta horretan guk dugun arduraz gogoeta egiten da Global express-en edizio honetan. Irudi bat eta testu batzuen azterketan oin harturik, materialak hasieran nazioarteko gailur bat zertan den orokorki azaltzen du, Kopenhagekoa bereziki zehaztuz. Ondoren, datu estatistikoetan oin harturik, Kioton hartutako konpromisoez eta herrialdeak, banan-banan, horietako bakoitza gaur egun zein gradutan betetzen ari ez den gogoeta eginarazten du; hurrengoan klima aldaketaren ondorioak aztertzen ditu, horiek gordinkien zeinek nozitzen dituzten bereziki nabarmenduz. Lan hori, prentsa-berrien azterketa bidez egin da. Materialak, era berean, gure ekonomi ereduaren ahulezia nabarmentzen du (baliabide bakarra duen petrolioaren morrontzan dago) eta Hegoaldeko herrialdeek klima aldaketaren aurkako borrokan izaniko ekimenak ezagutarazi eta, estereotipoei alde eginik, arazoari buru egiten dion eta hala salatzen duen gizarte zibilaren erantzukizuna eta konpromisoa azpimarratzen ditu. Bukaera emateko, Kopenhage bezalako Gailur batean esku hartzen duten aktore eta interesak taularatuko dituen rol-joko batean parte hartzea proposatzen da eta taldeka lanean aritzera dei egiten zaie ikasleei, herritar global garen aldetik, ditugun ardurez hausnarketa egin dezagun. Azkenean, konpromiso zehatzak lortu behar ditugu.
Helburuak:
Hedabideetan inpaktua izaten duten izari globaleko gai eta gertakariak jorratzeko tresna da Global express. Gure edizio guztietan agertzen dira hiru elementu: gaiaren testuingurua finkatzeko artikulu eta baliabideez osaturiko dossierra, irakasleentzako orientazioak eskaintzen dituen gida didaktikoa eta, azkenik, ikasleak landu beharreko hainbat jarduera dakartzan hezkuntza-proposamena. Global express-en xedea ikasleen artean galderak sortaraztea da, errealitateaz ikuspen kritikoa izan dezaten: horri esker ulertu ahal izango dute mundu zabalaren egoera eta garatzen ari den mundu-bazter horren egoera, bereziki.

Mesedez, idatzi iruzkin bat.

1 2 3 4 5

Si quieres recibir información sobre nuestras actividades y propuestas educativas, déjanos tus datos: