Un grito pola paz

Este caderno presenta a Sofía, unha nena de Mozambique, que nos achega á situación que vive o seu país e ás consecuencias que ten para a poboación civil o uso das armas, máis especificamente das minas antipersoa. A biografía e as fotografías de Sofía achegarannos aos seus sonos e á súa realidade e permitirán ao alumnado coñecer a situación do seu país.

Este material pretende valorizar a paz e a xustiza social como dereitos fundamentais de todos os seres humanos. A partir dun xogo de rol, e de outros exemplos simulados, os nenos e nenas achegaranse ás distintas formas e actitudes na hora de afrontar un conflito. E xogarán a ser xornalistas que escriben na prensa sobre un conflito determinado. Procúrase establecer mecanismos que fomenten a resolución e transformación de conflitos, tanto á escala internacional como persoal. Este punto é exemplificado coa historia de dúas cabras que mostran a necesidade de desenvolver solucións creativas aos conflitos. Como síntese, proponse a elaboración dun libro xigante con todas as aprendizaxes, opinións, etc. de forma que poida contribuír para dar a coñecer este traballo ao resto da escola e ás familias.