Como o ves?

O monográfico ten como obxectivo identificar formas de discriminación da muller, tanto no Norte como no Sur, no ámbito familiar, laboral e político. As primeiras actividades poñen ao descuberto a desigualdade entre homes e mulleres na distribución das tarefas do lar, así como a discriminación da muller nas mensaxes publicitarias.

A continuación, achégase é realidade do Sur a través dunha banda deseñada sobre o traballo de homes e mulleres nunha comunidade de Guatemala. Despois da súa lectura, proponse realizar un debate e un xogo de rol onde se discutan o rol que xogan e que deberían xogar homes e mulleres no caso proposto pola banda deseñada. Como síntese final, e a partir duns datos fornecidos sobre a discriminación da muller no mundo, proponse elaborar un relatorio de denuncia dalgúns casos de discriminación por razóns de xénero en diferentes ámbitos con recomendacións para eliminala.

O traballo formúlase ao longo de catro sesións de aula.