Despois de máis de dez cursos levando a cabo o Conectando mundos no noso centro educativo (desde 2006-2007), neste ano quixemos profundar na metodoloxía educativa transformadora dos grupos cooperativos.Todo comezou a partir do curso de formación sobre grupos cooperativos “Aprender entre iguais”, organizado polo GRAEI da Universitat Autònoma de Barcelona (UAB), ao cal asistiron os tres membros do Departamento de Ciencias Sociais do Col·legi Jesús-Maria, autores desta experiencia de traballo cooperativo.Esta innovación reforzou máis os aspectos da Educación para unha Cidadanía Global, xa que proporcionou máis coherencia metodolóxica ao proxecto Conectando mundos e à posterior incorporación nas materias do Departamento de Ciencias Sociais do Col·legi Jesús-Maria, como algo frecuente, habitual e normal nelas.

Este é un proxecto iniciado na aula de Traballo Globalizado de 3.º da ESO, aula dirixida a oito alumnos seleccionados para poder aproximalos dos contidos desde unha perspectiva global, xa que desde os diferentes departamentos se cre que esta metodoloxía será útil para motivalos academicamente e axudalos a conseguir as diferentes aprendizaxes, adecuándoas ás súas características e diversidade, tendo en conta as intelixencias múltiplas e a pedagoxía sistémica. A actividade xorde a partir do estudo da estatística, contido de Matemática, e a partir da reflexión sobre de que modo podemos aplicar este coñecemento na vida real. O Departamento de Lingua Catalá quería celebrar o Día das Linguas Maternas e os...