Eskolan ekitea (kooperatiba)

Jarduera honekin, ikasleek kooperatibismo eta ekimenezko proiektuak martxan jartzeko estrategiak gara ditzaten lortu nahi da; horretara begira, kontua da ikaslea gaitzea, gerora gizartean ahalik eta era eraginkor eta gogo-betegarrienean txerta dadin, curriculuma osatzen duten oinarrizko gaitasunak baliatuz, alor desberdinetako gaiei helduta.

Jokaera autonomoko azturak hartzean, negoziatzeko gaitasuna garatzean, konpromisoak bereganatzean, hainbat gunetan parte-hartzeko engaiatzean eta —herrialde askotako gizon, emakume eta familien ekonomia hobetzeko tresna den heinean— kooperatiba-sistema zertan den ezagutzean oinarriturik, elkarlan, koordinazio, gatazkak konpontzeko eta arazo eta erantzukizunak bereganatzeko joera eta jokabideak sustatuko dira hemen.