COVID-19k agerian utzi ditu migratzaileen bizitzan zuzeneko eragina duten migrazio-politiken eta asilo-sistemen egiturazko trabak eta oztopoak. Global express honen xedea da migratzaileak eta bizi dituzten ahultasun-egoerak ezagutzea, ulertzea, horien inguruan hausnartzea, horiekin enpatizatzea eta ahulezia-egoerekin konprometitzea. Material hau, pertsonengan oinarritzen da, funtsezko enpleguetan aritzen direnetan, beren jatorrizko, igarobideko eta helmugako komunitateetarako berrikuntza- eta aberastasun-iturri eta ekonomiaren dinamizatzaile direnetan, hain zuzen. Gertakari hori bereziki nabarmena izan da COVID-19ren pandemian, migratzaileak funtsezkoak izan baitira bizitzari eusteko.   Eskubideen ikuspegitik, nazioarteko migrazioa denboragabeko eta norabide anitzeko gertaera da, giza izaerari berez datxekiona, eta behar bezala goberna daiteke oinarrizko giza eskubideak guztiz bermaturik eta giza garapen jasangarria lortzeko aukera gisa. Proposamen honek politikak, praktikak eta kultura arrazista aztertzea proposatzeko aukera emango du, arrazakeria instituzionala eta soziala ikusaraziz, eta konpromiso pertsonalak eta...