A través da lectura dun cómic, introdúcense os conceptos de participación social e campañas de sensibilización, e a súa utilidade para provocar mudanzas. O cómic simula unha conversa cotiá nun bar en torno dunha noticia que emite a televisión referente á situación de seca en que se encontra Etiopía. A partir desta noticia dáse a coñecer que Nestlé está a reclamar 6 millóns de dólares ao goberno etíope. Ao presentar está situación xérase un debate no bar que pretende ser unha introdución á reflexión que se debe dar no grupo. Tras a lectura individual do cómic, abrirase a reflexión sobre as preguntas lanzadas e da utilidade das campañas de mobilización. A súa duración está...

A partir da lectura e análise dun texto e de imaxes sobre o estalido social na Arxentina, preséntase a complexidade das causas da crise económica no país e móstrase este caso como exemplo dunha situación socioeconómica que fixo do troco unha forma de supervivencia para millóns de arxentinos e arxentinas. Tras a lectura do texto e a resposta das preguntas formuladas, proponse unha posta en común que axude a situar o tema. A súa duración está prevista nunha sesión dunha hora.

A través dun estudo de caso, analázase un exemplo de comercio inxusto como é o dumping do arroz no Haití por parte dos Estados Unidos. Desta forma, ponse de manifesto a relación entre as regras do comercio coa suficiencia alimentaria dun país do Sur. Para iso, proponse a lectura e análise dunha ficha informativa sobre este caso. A actividade preséntase en dúas sesións dunha hora cada unha.

A partir da lectura e do comentario de textos económicos, introdúcese o tema do comercio internacional e as súas regras. O obxectivo principal é analizar o actual discurso sobre a liberalización do comercio e os seus supostos beneficios e oportunidades. Igualmente, quérese manifestar o desigual acceso aos mercados por parte dos países do Sur ou do Norte. Esta actividade está prevista para ser realizada nunha sesión dunha hora.

Mediante a lectura duns casos reais, preténdese introducir o comercio xusto como unha alternativa ao comercio convencional. Igualmente, quérese potenciar o consumo responsíbel e fomentar a participación dentro do sistema de comercio. Tras a lectura dos estudos de caso, reflexiónase sobre as vantaxes e inconvenientes deste tipo de comercio e lánzase a proposta de realizar unha acción de presión, a través da redacción e do envío de cartas a tendas e supermercados próximos, nas que se propoña ou reclame a venda de produtos de comercio xusto. Esta proposta está formulada para ter unha duración dunha hora.