O obxectivo desta experiencia era conseguir a redución das expulsións do alumnado e evitar o abandono escolar, ofrecéndolles unha alternativa que os axudase a mellorar o seu comportamento, realizando diversas aprendizaxes mediante o traballo na horta escolar do I.E.S. Huerta Alta de Alhaurín de la Torre. Esta experiencia desenvolveuse nun instituto de Secundaria en que se levou a cabo un proxecto de horta escolar como alternativa á expulsión do alumnado en que se implicou toda a comunidade educativa. Ao nivel metodolóxico, trátase dun proxecto de investigación-acción, e as tarefas contan cun proceso de planificación, intervención e reflexión. Trátase dunha metodoloxía activa, participativa, cooperativa, lúdica, motivadora e integradora.