A Rede de educadores e educadoras para unha cidadanía global está formada por un colectivo diverso de educadores e educadoras de todo o territorio español que apostamos por unha escola comprometida coa construción dunha cidadanía global responsábel coa humanidade e co planeta. Con este obxectivo, encontrámonos, formámonos, investigamos e creamos en rede para conseguir que as nosas propostas se incorporen nas crenzas, actitudes e políticas das persoas e institucións envolvidas. Este documento recolle a memoria dos 10 primeiros anos da Rede, que foi presentada no VII Seminario da Rede, que tivo lugar nos días 7, 8 e 9 de xullo en Los Negrales, Madrid. Nesta memoria, inclúese un breve resumo...

Na presente Tese de Doutoramento, son analizadas as principais causas e consecuencias que conduciron á actual crise sistémica, considerando novos modelos sustentábeis de desenvolvemento económico fundamentados nunha relación diferente entre mercados e institucións, na complementariedade da esfera local e global das relacións económicas, sociais e políticas, e na posibilidade de contar cun sistema educativo que facilite a construción dunha cidadanía global. Con este obxectivo, contémplanse tres niveis de interpretación estreitamente vinculados entre si: a análise da política económica dominante nos seus aspectos cuantitativos e cualitativos; a evolución da visión cultural neoliberal e a consideración do paradigma cultural e do senso común que, afectando a opinión pública, contribuíu para o desenvolvemento...

O VI Seminario “Educar para unha cidadanía global” reuniu, do 3 ao 5 de xullo, 113 educadores e educadoras para reflexionaren, debateren e trocaren puntos de vista sobre o papel do docente como axente de transformación social. A Rede de educadores e educadoras para unha cidadanía global (Rede EyECG) é consciente dos desafíos formulados polo actual contexto político, económico e social, así como da importancia de abrir os debates a outros actores de obxectivos confluentes, tanto para depurar e contrastar visións, como para establecer sinerxías. Por iso, no seminario participaron outros colectivos, como Alboan, Entreculturas e Intered, que, xunto con Oxfam Intermón, impulsan o Movemento pola educación transformadora e pola cidadanía global,...