A través dunhas fotografías e o comentario de textos son analizados os efectos das guerras nas persoas, especialmente nos nenos e nenas. A actividade esá prevista en dúas sesións dunha hora de duración cada unha. Na primeira, trabállase sobre unhas fotografías extraídas do libro Vidas minadas, cinco anos despois, de Gervasio Sánchez, e na segunda analízanse dous artigos xornalísticos que mostran outros efectos das guerras na infancia, como son o recrutamento de nenos soldados, os orfos que fican despois do conflito, as encarceramentos... Proponse como conclusión da actividade unha posta en común de toda a información tratada e un debate sobre as sensacións que xerou no grupo.

Esta actividade pretende tomar conciencia sobre as consecuencias que os conflitos armados teñen sobre a poboación civil. Para iso, lerán testemuños dalgúns conflitos e recolleranse, a partir da realización de entrevistas, testemuños de persoas maiores sobre as súas vivencias durante a Guerra Civil Española. O obxectivo principal é recoñecer as vítimas civés como o branco principal dos actuais conflitos armados e analizar as consecuencias que todo conflito ten sobre a poboación civil. Esta proposta está formulada para ser traballada en dúas sesións dunha hora de duración máis a entrevista.

Esta actividade ten como obxectivo analizar o papel dos medios de comunicación na transmisión da cultura da violencia e da cultura do medo. A partir da canción Where is the love?, do CD Elephunk do grupo Black Eyed Peas, propón reflexionar sobre o papel e a responsabilidade que temos como consumidores na normalización da violencia cultural nos medios de comunicación. Proponse como dinámica ouvir a canción, xunto coa letra, e responder a un cuestionario que abra a porta ao debate en grupo. A canción pode ser traballada tanto na súa versión orixinal en inglés, como coa tradución. e a duración aproximada da actividade é dunha sesión dunha hora, se se traballar coa tradución da letra,...

Esta actividade propón a visualización e comentario do filme Bowling for Columbine, do director norteamericano Michael Moore. A través deste filme, serán analizadas as causas do uso das armas e da cultura da violencia. O documental apunta os posíbeis factores que fan aflorar actitudes que potencian o uso da violencia directa, como o sentimento de propiedade, a procura de seguridade, o sentimento de superioridade... Proponse como dinámica, antes de proceder a ver o filme, distribuír follas en branco a cada persoa do grupo para que anote tres motivos que respondan á pregunta “por que as persoas se arman?”. Ao finalizar o filme, faise unha posta en común coas respostas e cúbrese un...