O teu mundo, o noso mundo e UNAM (Outro mundo é posíbel)

Esta práctica é unha experiencia de proxecto de ciclo, concretamente do primeiro ciclo da ESO para traballar a Educación para unha cidadanía global, en materias optativas en 1.º e 2.º, e nunha obrigatoria, en 3.º, á marxe da materia de Educación para a Cidadanía.

Os obxectivos que foron propostos ao levar a cabo esta experiencia foron a asimilación de contidos próximos ou compartidos coa materia de Ciencias Sociais, o traballo das competencias de tipo social e de análise e a concienciación e posicionamento persoal fronte a situacións de inxustiza social.