Monografikoaren helburua emakumearen diskriminazio-erak atzematea da, Ipar zein Hegoaldean, famili giroan, lantokian, politikan. Lehen jarduerek, etxeko lanen banaketan gizonezko eta emakumeen artean dagoen desberdintasuna eta publizitate mezuetan agertzen den emakumearen diskriminazioa nabarmenduko dituzte. Ondoren, Hegoaldeko errealitatera hurbilduko gara, Guatemalako komunitate batean gizonezkoek eta emakumeek egiten duten lanari buruzko komiki baten bidez. Hori irakurritakoan, eztabaida egin eta rol-joko bat egitea proposatuko da: bertan, gizonezkoek eta emakumeek jokatzen dituzten rolak eta, komikiak planteatzen duen kasuan, jokatu beharko lituzketenak jorratuko dira. Azken sintesi gisa, munduan emakumeak nozitzen duen diskriminazioari buruzko datu batzuk eskuetan, hainbat esparrutan gertatzen diren sexu-arrazoiengatiko diskriminazio-kasu batzuk salatzeko txostena eta bereizketa hori ezabatzeko aholkuak idaztea proposatuko da. Eginkizun hau lau...

Gutariko bakoitzak sexuen bereizketaz egin ohi dugun hausnarketa indibidual eta kolektiboarekin hasten da monografikoa. Ondoren, etxeko zereginak gizonezkoen eta emakumeen artean banatzeko moduaz eta lan berbera egitearren soldata desberdina jasotzeaz gogoeta egitea da proposamena. Hurrengo jarduerek ikaslea testuinguru berezi batean sartuko dute: Afrikan, adibidez, ekonomiaren karga gehienetan emakumeak daraman arren, marjinaturik dago. Monografikoak lana taldeka egitea proposatuko du: gobernuetatik, enpresetatik, familietatik eta eskoletatik bultza litezkeen konponbideak bilatu behar dira, aukera-berdintasuna sustatzeko. Azkenean, ikasitako guztia bilduko duen telebistarako albistea idaztea izango da proposamena. Eginkizun hau lau eskola-saiotan lantzeko planteatuko da.