KAIDARA - Experiencias y recursos educativos para una ciudadanía global
Celebramos 10 anos da Rede de educadores e educadoras para unha cidadanía global Celebramos 10 anos da Rede de educadores e educadoras para unha cidadanía global

Por volta de 80 persoas participamos no VII Seminario da Rede de educadores e educadoras para unha cidadanía global, que tivo lugar nos días 7, 8 e 9 de xullo en Los Negrales, Madrid, e no cal celebramos xuntos o 10.º aniversario da Rede. A Rede de educadores e educadoras para unha cidadanía global é formada por un colectivo diverso de educadores e educadoras de todo o territorio español que apostamos nunha escola comprometida coa construción dunha cidadanía global responsábel coa humanidade e co planeta. Para Oxfam Intermón, que aposta desde hai 30 anos na Educación para unha Cidadanía Global (Educación para o Desenvolvemento na súa quinta xeración), foi, e continúa a ser, moi importante acompañar esta Rede de persoas comprometidas cun mundo mellor e máis xusto. Convencidos de que a educación desempeña un papel moi importante para garantir a igualdade de oportunidades e a construción dunha cidadanía comprometida co planeta, a Rede EyECG representa unha das estratexias máis importantes, xa que, coa implicación de todas as persoas que fan e fixeron parte dela, a proposta educativa de Oxfam Intermón continúa a ser unha referencia no sector. Podedes coñecer máis detalles sobre estes 10 anos da Rede descargando a memoria en: http://www.kaidara.org/es/memoria10anosRed [+]
 
Propostas educativas para o curso 2017-2018 Propostas educativas para o curso 2017-2018

Descarga este tríptico e consulta as novas propostas educativas para unha cidadanía global en: https://oxfamintermon.s3.amazonaws.com/sites/default/files/documentos/files/Proposta%20educativa%20educativa%202017-2018%20-%20Castell%C3%A0.pdf A cidadanía global é unha corrente que propón un modelo social e político respectuoso coa dignidade de todas as persoas, en que cada cidadán e cidadá é consciente da súa pertenza a unha comunidade local e global, e comprométese activamente na construción dun mundo máis xusto e sustentábel.  Desde esta perspectiva, a educación para a cidadanía global aposta polo respecto e pola valorización da diversidade, a defensa do medio ambiente, o consumo responsábel e o respecto polos dereitos humanos individuais e sociais. [+]
 
Colección Kaleidoskópio, descarga gratuíta Colección Kaleidoskópio, descarga gratuíta

Xa podes descargar os cinco primeiros libros da colección “Kaleidoskópio” en Kaidara en formato PDF e de forma gratuíta. Son os seguintes: ·         Un aniversario de cores (6-8 anos) ·         Contos para vivir, contos para pensar (8-10 anos) ·         Diferentes si, desiguais non! (10-12 anos) ·         Temos moza nova na aula (12-14 anos) ·         Convivindo en igualdade (14-17 anos) Estas propostas teñen como obxectivo traballar en torno da equidade de xéneros a través da construción da propia identidade de forma saudábel, quebrando estereotipos e aceptando a diversidade. A través de distintas actividades e metodoloxías, preténdese identificar e recoñecer as desigualdades que, por motivos de xénero, ocorren no ambiente próximo, así como noutros contextos máis globais, e promover actitudes e accións que coloquen en valor a diferenza e a riqueza de compartir e construír unha vida desde a igualdade. A colección Kaleidoskópio ten a súa orixe no proxecto internacional Conectando mundos (http://www.conectandomundos.org). Con estes materiais, o profesorado poderá dispor das actividades da edición online titulada “Camiños de igualdade”, elaboradas co apoio da Rede de educadores e educadoras para unha cidadanía global... [+]
 
I Encontro do Movemento pola Educación Transformadora e pola Cidadanía Global I Encontro do Movemento pola Educación Transformadora e pola Cidadanía Global

Ao redor de 20 persoas, representantes da Rede de Educadores e Educadoras para unha Cidadanía Global, participamos no I Encontro do Movemento pola Educación Transformadora e pola Cidadanía Global xunto con participantes da Rede Redec – Rede Solidaria de Docentes (Entreculturas), Rede de educadores e educadoras de ALBOAN para a solidariedade – EDUKALBOAN (Alboan) e a Rede Transforma de Centros Educativos (InteRed), que tivo lugar nos días 4, 5 e 6 de novembro en Los Negrales, Madrid. Durante estes tres días, máis de 80 persoas reflexionamos e debatemos en torno dos desafíos da Educación Transformadora para a Cidadanía Global a través das propias experiencias do profesorado, así como a partir doutras ópticas, grazas á participación de compañeiras da ONG Fe e Alegría e tamén da Fundação Gonçalo da Silveira de Portugal, e de especialistas do sector académico, como Sandra Boni (UPV) e Miguel Ardanaz (Global Research Education). Mais sobre todo fortalecemos e consolidamos este Movemento pola Educación Transformadora e pola Cidadanía Global como espazo de encontro, de traballo cooperativo e influencia en favor da Educación para unha cidadanía global. Encontraredes máis informacións en: http://www.educaciontransformadoraglobal.org ou no Facebook: Movemento Educación Transformadora Global. [+]
 
IGUAIS: Acabemos coa desigualdade extrema. É hora de mudar as regras. IGUAIS: Acabemos coa desigualdade extrema. É hora de mudar as regras.

Coa campaña “IGUAIS: Acabemos coa desigualdade extrema. É hora de mudar as regras”, Oxfam advirte que mentres 1% da poboación mundial acumula a metade da riqueza global, 80% da poboación mundial sofre as consecuencias das reducións no gasto público e das políticas de austeridade e, por tanto, crece a desigualdade. Esta desigualdade extrema que pon vidas en risco e que non permite ás persoas viviren con dignidade, non é inevitábel. É unha cuestión de prioridades e de vontade política. Desde a rede de educadores e educadoras para unha cidadanía global e desde Oxfam Intermón, estamos convencidos de que mudar a escola é mudar o mundo, e é por iso que neste curso 14-15, coas dúas propostas educativas, o Conectando mundos (CM) e o Global exprés (GE), queremos facer visíbel que os servizos públicos universais de calidade son unha ferramenta poderosa na loita contra a desigualdade económica. [+]
 
Global express “Dereitos moi frustrados” Global express “Dereitos moi frustrados”

Ya tenemos aquí la nueva edición del Global express “Derechos muy torcidos” con el que analizaremos el sistema de derechos, las situaciones de injusticia y la falta de equidad en el acceso a los mismos y, además aprenderemos a: ·         Reconocer los derechos sociales básicos como elementos necesarios para luchar contra la pobreza y la desigualdad, ·         Entender cómo un sistema fiscal justo puede contribuir a que no se desmantele el sistema de derechos, ·         Reflexionar sobre el papel de la ciudadanía organizada para contribuir al cambio social.   Con el Global express podremos trabajar temas y acontecimientos de dimensión global con impacto local que tienen espacio en los medios de comunicación.  [+]
 
Que non nos rouben o futuro! Actualización 2013 del Manifesto da “Rede de educadores e educadoras para unha cidadanía global” Que non nos rouben o futuro! Actualización 2013 del Manifesto da “Rede de educadores e educadoras para unha cidadanía global”

Perante a recente aprobación da Lei Orgánica de Mellora da Calidade Educativa (LOMCE), a Rede de educadores e educadoras para unha Cidadanía global, reafirmamos o noso rexeitamento e denunciamos que esta lei fose aprobada sen diálogo social.. [+]
 
10 anos de Conectando mundos: a inxustiza combátese desde a aula 10 anos de Conectando mundos: a inxustiza combátese desde a aula

Hai 10 anos, un equipo de docentes e profesionais de Intermón Oxfam impulsou Conectando mundos, unha proposta educativa en que, desde entón, participaron 127.000 estudantes de 41 países diferentes, en máis de 1700 centros educativos. Conectando mundos combina a actividade na aula co traballo colaborativo online a través dunha plataforma telemática multilingüe en 8 linguas. O alumnado que participa (6 a 16 anos) non só reflexiona con espírito crítico sobre a inxustiza e as súas causas, compartindo puntos de vista con outros estudantes, senón que se propón e leva a cabo alternativas de acción. O papel do docente é diferente ao ‘tradicional” e oriéntase para a figura facilitadora de procesos, isto é, anima os debates, inspira a reflexión, investiga e descobre cousas xunto aos seus alumnos. Após dez anos de traballo na proposta educativa, CM foi sometida a unha avaliación que se sistematizou nun relatorio que expón o realizado e os éxitos alcanzados nestes dez años, ao mesmo tempo que inclúe os elementos de innovación identificados. Igualmente, desta avaliación tamén resulta que: 80% do profesorado que participa na actividade considera que a proposta provoca mudanzas na actitude do alumnado con relación ao tema que trataron, ademais de incidir de maneira positiva... [+]
 
Que non nos rouben o futuro! Manifesto da “Rede de educadores e educadoras para unha cidadanía global” Que non nos rouben o futuro! Manifesto da “Rede de educadores e educadoras para unha cidadanía global”

Os/as asinantes, docentes de distintos ámbitos e niveis, membros da “Rede de educadores e educadoras para unha cidadanía global”, queremos facer sentir a nosa voz perante a situación económica e social que estamos a sufrir (e algunhas familias de forma moi dura). Como fixeron outros colectivos, rexeitamos a xestión que os gobernos están a facer da crise actual. Cremos firmemente que hai outras alternativas ás solucións que as institucións que nos gobernan están a impor, respondendo ao interese do poder económico que procura beneficios a calquera prezo. En concreto, queremos manifestar a nosa oposición a uns cortes antisociais que castigan os de sempre, cando hipocritamente os que provocaron a crise piden esforzos a todo o mundo. (...) Le o manifiesto completo aquí. [+]
 
Posicionamento da Rede de educadores e educadoras para unha cidadanía global de Valencia e Murcia, perante os actos de violencia acometidos por parte da policía con estudantes e coa cidadanía en xeral Posicionamento da Rede de educadores e educadoras para unha cidadanía global de Valencia e Murcia, perante os actos de violencia acometidos por parte da policía con estudantes e coa cidadanía en xeral

A Rede de educadoras e educadores para unha cidadanía global da Comunidade Valenciana e Murcia desexa pór de manifesto que rexeita profundamente os actos violentos que as Forzas de Seguridade do Estado Español levaron a cabo contra os e as alumnos e alumnas do IES Lluís Vives de Valencia e contra a cidadanía en xeral que, con dereito e liberdade, se manifestaban contra a situación actual e de futuro que se está a xerar na Comunidade Valenciana. Como rede de docentes e profesionais relacionados coa educación, non podemos admitir que cualifiquen e consideren como “inimigos” persoas que denuncian inxustizas tan graves na nosa opinión, como son os cortes en educación. Cremos que esta situación é inaceptábel, e pedimos que cada centro da Comunidade Valenciana e de toda España se solidarice co IES Lluís Vives, sentindo as agresións como propias. Xa que, más alá de golpes e vexames a persoas, feitos de por si inadmisíbeis, se trata dunha agresión a unha serie de dereitos fundamentais e a un concepto de cidadanía que debemos defender e polo cal debemos traballar diariamente nas aulas e fóra delas. Por tanto, convidamos todas as persoas, sobre todo docentes e profesionais da educación, a transmitiren esta mensaxe no seu contorno, e a contribuíren para denunciar os feitos, que nunca máis se... [+]
 
CRECE: Cultivar un futuro mellor CRECE: Cultivar un futuro mellor

Oxfam lanza unha nova campaña mundial en que avoga por un mundo onde todas as persoas teñan suficiente para comer hoxe e sempre. CRECE, a campaña de Oxfam, porá ao descuberto aqueles gobernos cuxas políticas erradas están a sustentar este sistema alimentario roto e tamén porá ao descuberto o poderoso e pequeno grupo, de entre 300 e 500 compañías, que se benefician da situación e fan presión política para manter o status quo. Un sistema alimentario mundial en crise e os efectos da mudanza climática están a deitar por terra décadas de avanzo na loita contra a fame, conforme resulta dun novo relatorio feito público hoxe por Oxfam, Intermón Oxfam en España. A escalada do prezo dos alimentos e as crises alimentarias que se suceden constantemente en diferentes rexións do mundo arrastrarán para a fame millóns de persoas máis nos próximos anos, a non ser que transformemos a maneira como producimos e compartimos os alimentos. O novo relatorio “Cultivar un futuro mellor” identifica os síntomas do sistema alimentario defectuoso: crece a poboación que sofre fame, non aumenta o rendemento das colleitas, hai unha loita pola terra fértil e pola auga, e nos próximos anos os prezos dos alimentos continuarán a subir. O relatorio advirte de que entramos nunha nova era de crise... [+]
 
Reúnense 81 participantes de Conectando mundos de todo o Estado Reúnense 81 participantes de Conectando mundos de todo o Estado

O encontro estatal de Conectando mundos é o espazo en que alumnos e alumnas representantes dos diferentes encontros territoriais se encontran para traballar en conxunto. Neste ano, 63 estudantes de 15 cidades españolas, acompañados por 18 profesores e profesoras, participaron no encontro estatal de Conectando mundos, realizado en Barcelona de día 16 ao día 18 de maio. O encontro é estruturado en dous momentos: o congreso e o acto público. Durante o congreso, realizado nos días 16 e 17 de maio, compartíronse as conclusións extraídas nos distintos encontros territoriais e foron traballadas en conxunto para elaborar un manifesto común. Por outro lado, entre todas e todos realizamos un traballo para levar a cabo desde os nosos centros unha campaña sobre o papel da cidadanía perante o desafío dun mundo intercultural, que parte das conclusións obtidas a partir do traballo dos máis de 16.000 participantes en Conectando mundos_Un mundo en mudanza, un crebacabezas en construción. No acto final, que tivo lugar no Concello de Barcelona a 18 de maio, os alumnos e alumnas presentaron o manifesto en que expoñen as denuncias, compromisos e demandas, con relación á inmigración, a Carles Campuzano (deputado de Convergència i Unió no Congreso dos Deputados) e a Raül Romeva (eurodeputado no Parlamento Europeo... [+]
 
Robin Hood entrega a súa frecha a Sarkozy Robin Hood entrega a súa frecha a Sarkozy

Madrid, 17 de febreiro de 2011: Robin Hood entrega a súa frecha ao embaixador francés, Bruno Delaye, que a recolle en nome de Nicolas Sarkozy. Co acto, convídase ao país veciño, que ostenta a presidencia do G20, a que continúe a apostar por unha taxa ás transaccións financeiras internacionais - coñecida como taxa Robin Hood -que recade fondos contra a pobreza. Simultaneamente, 17 cidades españolas “abren” de forma simbólica embaixadas francesas, onde o lendario personaxe lanza a súa frecha para se unir á iniciativa. Esta acción, organizada pola “Alianza Taxa Robin Hood” (Axuda en Acción, InspirAction, Intermón Oxfam, Plan Internacional, Plataforma Acción pola Saúde Global e Save the Children) e apoiada pola Alianza contra a Pobreza e Intersindical, forma parte do “Día de Acción Global”, que se celebra en máis de 20 países. Máis información en: www.QueNoPaguenLosDeSiempre.org [+]
 
Haití: un ano despois Haití: un ano despois

O día 12 de xaneiro de 2010, un terremoto de 7,3 graos na escala Richter castigaba o Haití. Morreron máis de 200.000 persoas e por volta dun millón perderon os seus fogares. Despois do sismo, púxose en marcha unha vasta e complexa resposta humanitaria. Non obstante, un ano despois o Estado haitiano e a comunidade internacional atinxiron escasos avances na reconstrución do país. Analizámolo en dous relatorios: 'Da emerxencia á reconstrución' e 'Haití no seu labirinto'. Se quixerdes traballalo co voso alumnado, en Kaidara encontraredes a proposta educativa 'Haití: Cando a terra treme', dirixida á Secundaria, para traballar as causas e as consecuencias do terremoto e a súa relación coa pobreza. Ás consecuencias del terremoto hai que sumar tamén a epidemia de cólera que avanza inexorabelmente sobre o Haití. Os datos máis recentes do Ministerio da Sanidade haitiano refiren que son xa máis de 3.300 as persoas falecidas polo virus e máis de 170.000 as afectadas até o momento. Se quixerdes facer unha doazón para que Intermón Oxfam poida continuar co seu traballo na zona, entrade na web de Intermón Oxfam.   [+]
 
Novo Global express: Castelos de area Novo Global express: Castelos de area

En 2008 o capitalismo caeu nunha profunda crise económica e financeira, que afecta todo o mundo. Ninguén nega xa a súa magnitude nin as graves consecuencias para as economías e a cidadanía. Desde Intermón Oxfam esiximos que a crise non a paguen as persoas máis pobres e vulnerábeis, e para iso pomos en marcha a campaña Obxectivo “Robin Hood”. Que non paguen os de sempre, na que esiximos que non haxa máis recortes na axuda ao desenvolvemento, que se estableza unha taxa ás transaccións financeiras e que se regulen os paraísos fiscais. Unha das accións desta campaña é reflexionar sobre as causas e consecuencias desta crise con alumnos e alumnas de secundaria, para iso elaboramos unha nova edición de Global express titulada Castelos de Area. Este Global express ofrece elementos para analizar e explicar as causas de raíz das crises, datos para reflexionar sobre as consecuencias desta crise nos países do norte e os países do sur, así como suxestións para nos propor posíbeis alternativas. Ademais, con este Global estreamos novo deseño gráfico. Esperemos que vos guste! http://www.kaidara.org/gl/recurso/223 Para os que non o coñezades, Global express é unha ferramenta para traballar temas e acontecementos de dimensión global con alumnos e alumnas de secundaria.... [+]
 
A Rede de educadores e educadoras para unha cidadanía global estrea web A Rede de educadores e educadoras para unha cidadanía global estrea web

A Rede de educadores e educadoras para unha cidadanía global é un colectivo diverso de persoas que apostan por unha escola comprometida coa construción dunha cidadanía global, responsábel coa humanidade e o planeta. A rede é un espazo de encontro e traballo cooperativo en que participan educadores e educadoras interesados na construción dunha cidadanía global, consciente da dignidade de todas as persoas, comprometida cun mundo máis xusto no local e no global. Nestes momentos, a rede estreou a web: http://www.ciudadaniaglobal.org, para darse a coñecer e difundir as súas actividades. Animámosvos a visitala e coñecer todo o que está a impulsar este colectivo. [+]
 
70 alumnos e alumnas de Conectando mundos reuníronse en Madrid 70 alumnos e alumnas de Conectando mundos reuníronse en Madrid

Do 10 ao 12 de maio, unha delegación de 70 alumnos e alumnas que  participaron en Conectando mundos, acompañados de 20 profesores e profesoras, reuníronse en Madrid para concluír a actividade en que abordamos o tema das migracións e do desenvolvemento humano. Os 70 estudantes de Secundaria, procedentes de 13 cidades de España, leron o seu manifesto perante Amapola Blasco, Secretaria de Estado da Inmigración e Emigración; Manuel Ángel Aguilar, Adxunto Segundo do Valedor do Pobo español; Carlos Giménez, Director do Programa Migración e Multiculturalidade da Universidade Autónoma de Madrid; e Ariane Arpa, Directora de Intermón Oxfam, quen se comprometeron a estudar as súas propostas e enviar as súas demandas ás distintas comisións políticas. Durante a sesión, os estudantes expuxeron os seus compromisos e propostas de acción sobre as migracións, tanto no terreo das causas estruturais que xeran as migracións, como no terreo das accións individuais e colectivas que podemos levar a cabo para contribuír para a construción dunha sociedade aberta, diversa e solidaria, baseada no respecto recíproco entre persoas de distintas procedencias. [+]
 
Kaidara: novos recursos e interacción Kaidara: novos recursos e interacción

Os recursos e as experiencias dispoñíbeis en Kaidara son o froito de máis de 20 anos de traballo de Intermón Oxfam no campo da educación. Nestes momentos, hai uns 60 recursos dispoñíbeis, que en breve serán 120. Mais Kaidara está concibida para ser unha plataforma viva, que se irá enriquecendo con novos recursos e experiencias educativas, desenvolvidas por membros ou grupos da rede de educadores e educadoras para unha cidadanía global e por Intermón Oxfam. Encontrarédelos destacados na sección “Últimos recursos”, na capa de Kaidara. Recomendámosvos que vaiades entrando na web para coñecer as novidades. Por outro lado, queremos destacar unha das posibilidades de interacción que ofrece a plataforma: comentar os recursos. Despois de terdes utilizado algún dos recursos aquí dispoñíbeis, podedes compartir o que vos pareceu e se tedes recomendacións para outros educadores e educadoras que estean interesados no mesmo. Encontraredes un espazo para comentarios na ficha técnica de cada un dos recursos e experiencias. Animádevos a participar! [+]
 
22 de marzo: Día mundial da auga 22 de marzo: Día mundial da auga

O 22 de marzo de cada ano foi declarado, pola Asemblea Xeral das Nacións Unidas, o Día Mundial da Auga. En 2010, dedícase, en concreto, ao tema da calidade da auga, co obxecto de demostrar que na xestión dos recursos hídricos a calidade dese recurso é tan importante como a cantidade. A auga é un recurso natural limitado mais renovábel que necesitamos para vivir. o estado de pobreza de moitas persoas comeza por causa do acceso ou non á auga potábel. Sen auga limpa non podemos ter boa saúde. Ademais, a mudanza climática está a agravar a situación dos recursos hídricos do planeta: máis de 600 millóns de persoas están ameazadas polo risco de inundacións e 1.800 millóns de persoas habitarán en zonas con escaseza de auga por falta de dispoñibilidade no ano 2080. En Kaidara, encontraredes recursos para traballar este tema en infantil, primaria e secundaria, como por exemplo: O noso compromiso coa auga é, Noaga, a auga e nós, Historias de auga envelenada, Onde estás, auga? ou Un turista no Mediterráneo. [+]
 
Haití: cando a terra treme Haití: cando a terra treme

Máis unha vez, unha catástrofe humana e ambiental ten lugar nun país acostumado a vivir na pobreza permanente. Desta vez tocoulle ao Haití. Os medios de comunicación retransmíteno ao minuto, sentimos que debemos reaccionar e facer algo a se respecto, mais, o que? Na Área de Educación para unha cidadanía global de Intermón Oxfam, elaboramos  unha proposta educativa dirixida a primaria e secundaria para as e os que queirades traballar este tema co voso alumnado. Podedes encontrar esta proposta en Kaidara. Ademais, desde a Área de Acción Humanitaria, estamos a dar asistencia no Haití. Comezamos distribuíndo auga potábel ás persoas afectadas polo terremoto en diferentes barrios de Porto Príncipe a través de 13 puntos. Tamén estamos a enviar material humanitario e continuamos a traballar para avaliar as necesidades máis urxentes. Trátase do primeiro paso. O máis rápido que sexa posíbel comezaremos as tarefas de reconstrución. Encontraredes máis información sobre o noso traballo en: www.intermonoxfam.org [+]
 
Aviso legal | Privacidade | Contacto
Web realizada por Espais, 2017