O petróleo, unha riqueza envelenada

Buscador de recursos

O petróleo, unha riqueza envelenada

Autoría: Ferran Polo
Data: 2006
Temática: , ,
Tipoloxía de recurso: Material didáctico
Público destinatario: 12 a 14 anos, 14 a 16 anos, Máis vello de 16 anos
Idioma: Castelán, Catalán, Euskara, Galego
Descrición:
Este Global Express ten como obxectivo principal a toma de conciencia por parte do alumnado sobre a dependencia do petróleo do nos o estilo de vida e consumo. Igualmente, pon sobre a mesa as consecuencias que a produción deste combustíbel ten para as poboacións do Sur, máis alá dos problemas ambientais e xeoestratéxicos que implica a súa posesión, extracción e comercialización.
Este material comeza co traballo dunha fotografía que permite sondar o alumnado con relación aos seus coñecementos previos sobre o tema. “O petróleo, unha riqueza envelenada” ofrece ademais unha visión completa de quen está detrás do negocio do petróleo, desde os principais países produtores até as grandes empresas que o refinan e o comercializan. Pon de manifesto tamén a vinculación entre este combustíbel e algúns dos conflitos armados sufridos en países como Angola, Sudán, Chad, Bolivia, México ou países do Oriente Medio. A través da historia do labrego André Deoutol, de Chad, preténdese que o alumnado tome conciencia da situación de pobreza extrema en que se encontran as persoas que viven nas zonas petrolíferas. Finalmente, pretende facer descubrir aos mozos xeitos diferentes de actuar como cidadáns e cidadás para mudar esta inxustiza.
Observacións:
Global Express é unha ferramenta para traballar temas e acontecementos de dimensión global que teñen impacto nos medios de comunicación. Todos os Global Express constan dun dossier informativo con artigos e recursos para contextualizar o tema, unha guía didáctica con orientacións para o profesorado e unha proposta educativa con diferentes actividades para traballar na aula. Global Express pretende xerar preguntas entre os alumnos e as alumnas co obxectivo de promover unha visión crítica da realidade que lles permita comprender o estado do mundo e, en especial, a situación do mundo en desenvolvemento.

Introduce un comentario.

1 2 3 4 5

Si quieres recibir información sobre nuestras actividades y propuestas educativas, déjanos tus datos: